Segundo figura distake do mês, Isildo mas konchedo pa Primo pamodi, sima ntem certeza, nos tudo ta atxal um pessoa extraordinário, simples, diskontra, amigo di ses amigos. Além do mais, eh ka a toa ki nu ta txomal di «Primo»
Faty: Primo modi ki bu bem studa na macau? Algum dia bu pensaba mo ta staba na Ásia? Inda mas komo estudante?
Primo: Nau, nunka nka pensaba ma nta binha studá na macau. Sempri npensaba na França, portugal mas macau nunka ka passam pa kabesa.
Faty: Bu sabia di existência di macau?
Primo: Ami Macau djam tem mas o menos uns 8, 9, 10 anos atrás ta obiba nhas familias ta falaba del através di Álvaro ki bem fazi curso na Macau y Macau nta pensaba ma era Europa por exemplo sima França, Portugal ki nta obiba txeu alguem ta falaba di kes países la. Mas Macau nta konsideraba um lugar excasso di konsiguiba txegaba pamodi kuasi nka ta obiba otu alguem ta falaba além di nhas famílias.Mi kantu ntxiga li propri npensaba ma nstaba na europa.
Faty: Pareci ki bo eh grandi fan di Europa Primo, principalmente França. Di pundi ta sai tanto paixão si pa França?
Primo: Bom di facto ngosta txeu di França pamodi nhas familias, amigos tb ki eh emigrantes na França. Segundo história, nha nome eh um nome françês kantu ki n nanci nha irmã mas grandi ki manda pom el di França pa Cabo verde, «Isildó». Através di kel nomi la djam podu mas di dez nomi y as vez nta pensa se um nome dificil pamodi «en français la voyel final est toujours accenté», embora na cv es ka respeta kel regra la (por isso es registram Isildo). Djam flas kantu bes me ka isildo me Isildó, ma es ta tomam el so na troça ki npassa ta dexa di flas.
Faty: Modi ki sta ser bu experência na Macau? Modi ke studa na UMAC? Ter colegas chineses, portugueses? Eh mutu diferenti di kompas na cv?
Primo: Ngosta txeu di studa na UMAC, nta atxa me um excelente Universidade. Ngosta txeu di biblioteca, la tem td livros ki podi djudou na bu curso. Embora ntivi alguns problema na enquadramento y sistematização di programas di nha curso. Nstaba ta speraba ma kusas ta korreba mi di mas midjor ki sima sta korri mas prontu ngosta txeu. Studa ku chines y portugueses eh normal. Kada kusa na se lugar.
Faty: Tirando escola, ku z ki bu ta atxa di vivência di Macau? Bo ke um alguem popular ki td algum konchi pes banda, modi ke relacionamento ku pessoas?
Primo: Vivência na Macau eh normal. Nta sta sempri ku maltas guineenses tirando nhas rapaz. Eh normal
Faty: Modi ki pessoas kumesa ta txomau «Primo»? Será ki é um sinal ma bo eh um pessoa amiga tão expontânea ki pessoas ta kaba pa teneu komo um alguem intimo, tipo um família?
Primo: Keli foi kuandu ntxigaba di nobu nton na kes apresentaçon kim tem stadu Ta apresentadu pa otus alguens, sempri es ta apresentaba mi komo primo di Álvaro ki bem studa na macau. Dipos kes pessoas kumesa ta txomam primo pmd mi eh um pessoa popular aberto ku td alguem.
Faty: Y es vida di namoro?
Primo: Kela eh segredo estado
Faty: Nsabi ma bo eh fan di 2Pac. Eh baseado na el ki bu tem es stilo ´yo´ di ser? Pmd bu ta kurti 2Pac?
Primo: Mi sempri ngosta txeu di Rap y HipHop. Nkonchi músicas di 2Pac atraves di nhas amigos ki tb gostaba txeu del. Es ta flaba mi ma el ki ta mandaba na Merca. Patrom si. Ma sima el ka tinha. Nton nkaba pa odja ma era verdadi pmd nkumesa ta odja foto di 2Pac na camisolas ki rapaz ta bistiba. Foi um bes ki n odjaba um clip di sel na kasa dum vizinho di nos. Ntom npassa ta fika ta gosta di Rap mas txeu y ta buska konchi mas.
Faty: Sendo assim nton bu fika mutu triste ku se morti?
Primo: Abo 2Pac ka morri nau. Djoli ka tem ninguem ki podi afirma ma 2Pac morri.
Faty: Eh ka morri nton primo? Mi sempri npensaba me morri, ntom napundi eh sta?
Primo: Bo 2Pac disapareci simplismenti. Mi sempri nkis sabi des história dretu. Ntom td Americanos kim ta koncheba kantu nta studaba na Tarrafal, primeru kusa ki nta pergunstaba es era ku z ki kontici ku 2Pac. Nton si ki um dia nkontra um ki garantim ma 2Pac ka morri, me staba disaparecido. Inklusive eh flam, ma dipsos di se desaparecimento, parci alguns músicas novu y clips di sel. Eh flam ma alguem até konvirma ma 2Pac kustuma parci um bes num cidade na Merca di algum anos atrás ki pessoas ta flaba ma 2Pac morri.
Faty: Bu ta gostaba di ser um detetivi y pesquisaba es assunto? Si bu tiver oportunidade di bai Merca bu ta bai prokura 2Pac?
Primo: Kel sem dúvida
Faty: Bu atxa ma se desaparecimento eh um perda pa humanidade?
Primo:Sem dúvida. Músicas di 2Pac ka tem. Ami ngostaba di se músika desdi ki nka ta intendeba nada y kuantu mas goci ki nsa intendi. Um di se músikas ki mas nta kurti eh ´Dear Mamma´ ke fazi pa tudu mães du mundo pom gosta mas del propri pmd nfika ta sabi me um pessoa incrivel.
Faty: Nsabi tb mo tem dotes di actor. Bu participa na gravason dum filme li na Macau. Kontanu des experiência
Primo: Ya, mi propri kantu nha amigo Alselmo flam ma nu sta participaba na um filme, mi ntoma so na troça, npensaba gajo staba na xujadera ku mi. Até eh flam ma nu tinha ki bai na restaurante di Erick pa casting. Mi ti la tinda nstaba ta tomaba so na troça. Foi kuandu n odja guentis la ta toma nomi d´alguem ki nkredita. Foi um experência spetakular. Inclusivi nfika ta sabi modi ki filme ta fazedu, moki kusas ta funciona. Nkurti txeu nha papel. Nsta super kurioso pam odja es filme. Nomi di filme eh `Largo Winch´, nta atxa me fika spektakular. Nta recomenda pa tudu alguem odja ora ke sai.
Faty: Ku z ki bu ta atxa mo sta bem fazi mas tardi? Bu ta gostaba di fikaba na Macau ou volta pa Cv dipos di curso?
Primo: Di futuro kel go nka sabi pamodi dia di manham Deus ki ta lidera.
Faty: Dipos di ter vivido li 1 ano bu ta recomendaba studantis na cv pa bem studa li?
Primo: Nta recomendaba sim. Sima nfla antes, UMAC eh um excelenti universidade. Nta gostaba pa binha mas estudantis es ano inclusive pikenas, pa homi dja sta bom rrssssssss
Faty: Ku z ki bu ta pensa di nos iniciativa di kria um Associação di estudantis li ke Associação dos Estudantes Caboverdianos em Macau, do qual bu ta fazi parte?
Primo: Excelenti sem dúvida, nta atxa ma Associação podi trazenu txeu benefícios pa nos td estudantes, eh um manera di ponu mais unidos ku kumpanhero, embora eh sta um poku parado mas nta spera ma já já ki nu ta sta livre des exames, nu ta volta a reuni ku mas frequências sima antis.
Faty: Y es férias? Bu sta passas na Macau ou bu sta viaja?
Primo: Féria djam odja ma nsta passal li. Ntinha experança di viaja pa algum lugar mas djam odja, ti es momento li, ma nsta fika li mé.
Faty: Ku z ki bu atxa des iniciativa di kria um blog por parti di criolos?
Primo: N´atxa ma foi um bom iniciativa por parti dinos, principalmenti Casimiro. Idea surgi kantu nu staba na convivência, eh staba ta toca se viola, nton di repenti kel ideia li surgil.
Faty: Modi ki bu interpreta alguns críticas por parti d´alguns pessoas em relação a blog ´criolos di Macau´?
Primo: Ora ki n odja críticas ta surgi si, nta fika extremamenti orgulhoso pmd segnifika ma pessoas gosta txeu di nos blog y nton es ta kre odjal sempri em movimento. Nta entendi pmd nos blog foi um blog bem aceite pa todos até eh tevi noticias na merca. Nkria flaba so ma blog fika parado es tempos li pmd komo td alguem sabi, nos estudantis nu staba td em época di exame, otus tinda nem ka kaba, por isso kabesa sta mas virado pa exames y tenedu poku tempo. Nkria tb fla ma blog eh di nos tudo, me ka tem um dono, eh clovis y Evandro ki ta derigil mas pmd es ki tem mas dom pa computador, so por isso. Por isso nsta pidi td alguem ses kre kontribui tb ku ideias novu por favor pes djudanu tb.
Faty: Dexanu um koncluson la Primo
Primo: Nkria koncluiba agradecendo sima nfoi segundo alguem ki entrevistadu nes blog. Y també tudu kes alguem ki dam apoio na tenta konchi alguns lugares y enquadramento kantu ntxiga Macau.
rascunho
